مجتمعنا المتخلف خلى تعريف البنت الناجحة؛
“بنت أتخرجت وأتجوزت وخلفت”
وطبعا كل ما تكون أتجوزت وهى أصغر تبقى أنجح؛ بغض النظر هى مبسوطة ولا لأ؟!
أما الولد الناجح؛
“ولد تخرج، وأشتغل وأشترى شقة وعربية”
لحظة!
لحظة!
لحظة!
نسيت حتة؛
نجاح البنت برضه بيقاس بالولد إل عرفت توقعه مع وضع في الأعتبار شقته فين وعربيه نوعها أيه.
لحظة!
لحظة!
لحظة!
ودة تلاقيه واضح في أسئلت هذا المجتمع؛
للولد:
جبت شقة؟
جبت عربية؟
بتاخد كام في الشهر؟
للبنت:
أيه جديدك؟
أتجوزتي؟
أتخطبتي؟
محدش فيهم بيسألك مبسوط كدة؟
محدش بيسألك عارف توصل لل أنت عايزه؟
ما ممكن يكون أنا مبسوط وأنا وحيد!
ممكن أكون مبسوط وأنا عاطل!
أنا ضد قوالب النجاح إل عايش فيها هذا المجتمع.