من شوية كنت عند مبنى المخابرات بالبدلة ومعايا الـ CV..
واحد هناك: أيوة حضرتك؟
أنا: أدخل هاتلي ضابط من الـ HR
هو: نعم، حضرتك؟!
أنا: أنت هتلك معايا! أدخل هات حد!
** بعد ثلاث دقائق و 42 ثانية **
راجل أخر (شكله ضابط): أفندم؟!
أنا: أنا عايز أقدم.
هو: تقدم.. تقدم أيه؟
أنا: أقدم على الوظائف الشاغرة!
هو: ها ها ها.. ها ها ها.. والله أنت مسخرة!
أنا: أنا بتكلم بجد!
هو: لأ مهو واضح.. وشكلك أبن الناس ودة إلـ مخليني بتكلم معاك بإحترام!
أنا: طب أيه.. مش هتاخد ال CV؟!
هو: هات هات.
أنا: أتفضل ومشيت.
** خطوتين ورجعت **
أنا: يا coach!
هو: ها ها ها coach! أنت عامل دماغ أيه؟!
أنا: لأ.. دة رباني!
هو: ماشي يا كابتشن! عايز أيه؟
أنا: هتكلموني أمتى! أوعى تكون ناوي ترمي ال CV في ال shredder! دة أنا طابعها ألون HQ ب 20 جنيه!
هو: ها ها ها.. بذمة أمك، شارب أيه؟!
أنا: يا عم مش شارب حاجة.. يالا سلام.