من الأسئلة إلـ بستغربها جداً في هذا المجتمع؛
بستغربها أكتر من أسئلة؛
– جبت شقة؟
– فلانة أتجوزت ولا لسة؟
– متجوزتش ليه؟
– مرتبك كام؟
– متجوزتيش ليه؟
هو السؤال إلـ بيتسأل بعد الجواز للعروسين؛
**مفيش حاجة في السكة؟!**
**مش ناويين تخلفوا ولا أيه؟!**
….الخ.
أتذكر مرة كنت في بيت صديق و واحد من عائلته سأله سؤال غريب جداً؛
“هو أنت مخلفتوش ليه؟! مش عايزين يعني ولا أيه؟!”
** طبعاً أنا عارف أن أفراد العائلة بيكونوا بيسئلوا عشان عايزين يفرحوا.. وممكن مجرد تطفل.
** المهم يعني…, ياريت الناس تبطل هذه العادة… لأنها تطفل صريح مهما كانت صلة القرابة والصداقة.
** الحمدلله محدش من الناس إلـ تعرفني يجرأ أنه يسألني سؤال زي دة لو أنا أتجوزت الحمدلله معظمهم عارفين أني مجنون و ردودي بتبقى غريبة وغير متوقعة